Ahmad Faraz poems

Ahmad Faraz[Takhalus] (12 January 1931 - 25 August 2008 / Kohat / Pakistan)
Page 1Go

Aa.Nkh se duur na ho dil se utar jaayegaa

- by Ahmad Faraz 35

aise chup hai.n ke ye manzil bhii ka.Dii ho jaise
teraa milanaa bhii judaa_ii ki gha.Dii ho jaise

apane hii saaye se har gaam laraz jaataa huu.N
raaste me.n ko_ii diivaar kha.Dii ho jaise

manzile.n duur bhii hai.n manzile.n nazadiik bhii hai.n
apane hii paao.n me.n zanjiir pa.Dii ho jaise

kitane naadaan hai.n tere bhulane vaale ke tujhe
yaad karane ke liye umr pa.Dii ho jaise

aaj dil khol ke roye hai.n to yuu.N Khush hai 'Faraz'
chand lamho.n kii ye raahat bhii ba.Dii ho jaise

Ab ke rut badalii to Khushbuu kaa safar dekhegaa kaun

- by Ahmad Faraz 33

ab ke rut badalii to Khushbuu kaa safar dekhegaa kaun
zaKhm phuulo.n kii tarah mahake.nge par dekhegaa kaun

dekhanaa sab raqs-e-bismal me.n magan ho jaaye.nge
jis taraf se tiir aayegaa udhar dekhegaa kaun

vo havas ho yaa vafaa ho baat maharuumii kii hai
log to phal-phuul dekhe.nge shajar dekhegaa kaun

[maharuum=deprived; shajar=tree]

ham chiraaG-e-shab hii jab Thahare to phir kyaa sochanaa
raat thii kis kaa muqaddar aur sahar dekhegaa kaun

[chiraaG-e-shab=night lamp]

aa fasiil-e-shahar se dekhe.n Ganiim-e-shahar ko
shahar jalataa ho to tujh ko baam par dekhegaa kaun

Page description:

Poems by Ahmad Faraz, Ahmad Faraz's poems collection. Ahmad Faraz is a classical and famous poet [Takhalus] (12 January 1931 - 25 August 2008 / Kohat / Pakistan). Share all poems of Ahmad Faraz.

© Poems are the property of their respective owners, reproduced here for educational and informational purposes, and is provided at no charge.